Урт мацгыг зөв тайлах нууц

Танд баяр хүргэе! Хэрвээ та энэ нийтлэлийг уншиж байвал та урт мацгаа амжилттай барьж дууссан эсвэл одоо барьж байгаа, хамгийн хэцүү хэсгээ давжээ.

Таны бие одоо дотроосоо гүн цэвэрлэгдэж, даавар болон эсийн түвшинд шинэчлэгдсэн байна. Харин одоо дараагийн чухал алхам бол мацгаа хэрхэн зөв тайлах

Ихэнх хүмүүс энэ үеийг үл тоодог ч үнэндээ үр дүн нь эндээс илүү мэдрэгддэг. Хэрвээ та хоолоо зөөлөн, анхааралтайгаар идэж эхэлбэл, мацгийнхаа бүх үр ашгийг хадгалж чадна. Энэ алхмыг биеэ зөөлөн сэрээж байгаа мөч гэж бодоорой.

1. Ходоодондоо маш зөөлөн хандах

Урт мацаг барьсны дараа таны хоол боловсруулах систем амарч байсан учраас эхлээд зөөлөн, хөнгөн зүйлээр эхлэх нь хамгийн зөв.

Хялбар шингэдэг, тайвшруулах чанартай хүнсийг сонгоорой:

• Халуун ясны шөл

• Хагас авокадо

• Зөөлөн чанасан өндөг

• Бага зэрэг жигнэсэн ногоо

Шууд хүнд хоол, боловсруулсан хүнс эсвэл амттанд битгий идээрэй. Тэд гэдсийг тань хямрааж, хий хөөргөж болзошгүй. Ходоодноо яг л зөөлөн сэрээж буй найз шигээ энэрэлтэйгээр ханд.

2. Эрүүл өөх тосоор эхэл

Эрүүл өөх тос нь урт мацагийн дараа хамгийн тохиромжтой. Тэд цусан дахь сахарыг тогтвортой байлгаж, энерги, дааврыг тэнцвэржүүлдэг.

Жишээ нь:

• Ясны шөлдөө бага зэрэг шар тос нэмж уух

• Авокадо

  Эдгээр хүнс бие тань руу “Бид аюулгүй, эргэн тэжээгдэж байна” гэж хэлж байгаа мэт мэдрэмж өгдөг.

3. Уураг аажмаар нэмэх

Эхний хөнгөн хоолны дараа 1–2 цагийн дараа цэвэр уураг нэмээрэй. Энэ нь мацгийн дараа булчинг нөхөн сэргээж, энергийг нэмэгдүүлдэг.

Сонголтууд:

• Өндөг

• Загас

• Органик тахиа болон үхэрийн мах

4. Гэдэсний ашигтай бактерийг дэмжих

Мацгийн дараа гэдэсний ашигтай нянгууд шинэчлэгдэж байдаг тул энэ үе нь тэдэнд хоол өгөх хамгийн сайхан мөч юм.

Дараах хүнсийг нэмээрэй:

• Жигнэсэн ногоо

• Кимчи, дарсан байцаа

• Чиа эсвэл маалингын үртэй пудинг

Эдгээр нь хоол боловсруулалтыг сайжруулж, арьсыг дотроос нь гэрэлтүүлнэ.

5.Шингэнээ маш сайн авах

Ус сайн уу, хүсвэл бага зэрэг далайн давс эсвэл электролит нэмж болно. Энэ нь цэвэршилтийн үйл явцыг жигд, зөөлөн үргэлжлүүлэхэд тусалдаг.

Хоолоо идэхдээ аажуухан, анхааралтай байгаарай. Сайн зажилж, амтыг нь мэдэрч, биеийнхээ дохиог сонс. Энэ бол биеэ хүндэтгэх нэг төрлийн бясалгал юм.

Мацгаа тайлах нь зүгээр л хооллох биш, энэ бол таны эмчилгээний үргэлжлэл юм.

Биеэ хайрлаж, хүндэтгэн мацгаа тайлж сурах тусам таны бие илүү итгэлтэй, тэнцвэртэй, тайван болох болно.