Таргалуулдаг ба тураадаг жимсний ялгаа

Илүүдэл жингээ хаях, эрүүл хооллолтын үед жимс бол гайхалтай орлуулагч амттан байдаг. Мэдээж маш эрүүл, амттай, хөнгөн бөгөөд витаминаар баялаг. Гэхдээ бүх жимс цусан дахь сахарт адил нөлөө үзүүлдэггүй. Тиймээс та ямар жимс сонгож, ямар хэмжээгээр идэж байгаагаа бодолцох нь таны бие, арьс, эрч хүчэнд маш том нөлөө үзүүлдэг.

Жимсний боловсорлын түвшин таны биед хэрхэн нөлөөлдөг вэ?

Жимс хэр боловсорсноос таны биеийн хариу шууд хамаардаг.
Бага боловсорсон, исгэлэн жимс нь эслэг, пребиотикоор баялаг тул бодисын солилцоог дэмжиж, гэдэсний эрүүл мэндийг сайжруулж, таныг илүү хөнгөн мэдрүүлдэг.

Харин бүрэн боловсорсон, амттай жимс цусан дахь сахарыг огцом өсгөж, дараа нь бууруулдаг тул ядаргаа, хүсэл, арьсны үрэвсэл үүсгэж болзошгүй.

Эслэг ихтэй, бага боловсорсон жимс сонгох нь сахарын түвшинг тогтвортой байлгаж, өөх шатаалтыг идэвхжүүлж, арьсыг тань дотроос нь гэрэлтүүлнэ. Мэдээж байгалаасаа чихэрлэг багатай жимс ч бас байдаг эдгээр жимс нь

1. Бөөрөлзгөнө жимснүүд: Нэрс, Аньс, Чяцаргана

• Чихэр багатай, эслэг, антиоксидант, витамин C ихтэй

• Арьсыг нөхөн сэргээж, үрэвслийг бууруулдаг

2. Ногоон алим

• Инсулины мэдрэг чанарыг сайжруулах полифенол агуулдаг

• Эрүүл элэг, гэрэлтсэн арьсанд сайн

3. Киви

• Гликемийн индекс бага, витамин C болон пребиотик эслэгээр баялаг

• Коллаген гаргалтыг дэмжинэ, гэдэсний эрүүл мэндийг дэмждэг

• Зөвлөгөө: Арьстай нь идэхэд эслэг нэмэгддэг

4. Тоор (Peaches)

• Эслэг, чийглэг, бодисын солилцоог дэмжиж, дааврын тэнцвэрт сайн.

• Смүүти хийхдээ бадгийг сүү эсвэл протейн нунтагтай холиорой.

5. Грейпфрут ба бусад цитрус ислэг жимснүүд

• Чихэр бага, витамин C ихтэй тул арьсыг гэрэлтүүлж, бодисын солилцоог дэмждэг.

• Өглөө тал грейпфрут идэхэд өөх шатаалтыг дэмждэг.

6. Авокадо ба олив

• Бага нүүрстөрөгч, эрүүл өөх ихтэй

• Цусан дахь сахарыг тогтвортой байлгаж, арьсыг дотроос нь тэжээдэг.

Жимсийг зөв хэрэглэх зөвлөмж

• Уураг ба эрүүл өөхтэй хослуулах: жишээ нь нэрс + грек тараг, алим + самрын тос

• Хоолны дараа идэх: глюкозын шимэгдэлтийг удаашруулна

• Бага боловсорсон, исгэлэн жимс сонгох: эслэг их, сахарын өсөлтийг тогтмол байлгаж, гэдэсний эрүүл мэндэд сайн

• Хэмжээгээ анхаарах: хагас аяга нэрс эсвэл нэг жижиг жимс хангалттай.

  Харин эсрэгээрээ, зарим жимснүүд нь байгалийн чихэр ихтэй тул цусан дахь сахарын хэмжээг хурдан өсгөж чаддаг. Жишээлбэл, хатсан жимснүүд (үзэм, хатаасан огноо, хатаасан чангаанз), гадил, манго, усан үзэм зэрэг нь гликемийн индекс өндөртэй байдаг.

  Мэдээж эдгээр жимсийг бүр мөсөн хорих хэрэггүй эдгээр нь гаднаас авч байгаа чихэрлэг амттанаас илүү эрүүл, витаминаар баялаг хувилбар юм. Гэхдээ хэрвээ та цусан дахь сахарын түвшингээ хянаж байгаа бол эдгээр жимсийг бага хэмжээгээр, илүү болгоомжтой хэрэглэвэл илүү тэнцвэртэй, эрүүл үр дүнтэй байх болно.